Lesson 01- Java ඉගන ගන්න කලින් දැනගන්න දේවල් ටිකක්

මුලින්ම කියන්න ඕනේ මම Java වැඩ්ඩෙක්නම් නෙමෙයි. මමත් තාම ඉගන ගන්නවා. මේ Post වල වැරදි තියෙනවනම් දන්න අය ඒවා පෙන්නලා දෙන්න. මට Java උගන්නපු, උගන්නන ගුරුවරුන්ට පිං. මේ වැඩේදී මට උදව්වෙන යාලුවන්ට, comment එකක් දාලා මාව දිරිමත් කරන අයට, Post එක කියවලා නොදැක්කා වගේ යන අයට හැමෝටම ස්තුතියි.

 Java  වල ඉතිහාසය, හැදුවෙ කවුද වගේ ඒවා මේ Post එකේ දාන්නේ නෑ. වැදගත්ම දේවල් ටික විතරක් දාන්නම්.

Java වල විශේෂත්වයන්,

• Java is Platform Independent - මේකෙන් කියන්නේ ඕනම OS එකක වැඩ කරන්න පුලුවන් කියලා. ඒ වගේම ඕන කරන්නේ අවම Hardware ප්‍රමාණයක්.

• Java is Object-Oriented - මේකෙන් කියන්නේ සම්පූර්ණ system එක කෑලි වලට වෙන් කරලා Program කරනවා කියලා. මේ කැලි තමයි Classes, Objects. ඒවා ගැන ඉස්සරහට කියනවා.

• Java is portable - මේකෙන් කියන්නේ එක compuuter එකක ඉදලා තව එකකට පවසුවෙන් අරන් යන්න පුලුවන් කියලා.

• High Level Language - මේකෙන් කියන්නේ මින්ස් හාෂාවට කිට්ටු භාෂාවක් පාවිච්චි කරනවා කියලා. (ඉංග්‍රීසි)

• Compiled & Interpreted - මේක ටිකක් දිග කතාවක්. කෙටියෙන් කිව්වොත් Compile සහ Interpret කියන්නේ අපි ලියන codes, machine code වලට ඒ කියන්නේ binary (1-0) වලට පරිවර්තනය කරන ක්‍රම දෙකක්. Java වලදී මේ ක්‍රම දෙකම භාවිතා වෙනවා අවස්ථා දෙකකදී. ඉස්සරහදී බලමු ඒ අවස්ථා මොනවද කියලා.

• Case sensitive - මේකෙන් කියන්නේ code ලියනකොට capitala, simple අකුරු ඒ විදිහටම ලියන්න ඕන කියලා.

ඊලග පාඩමෙන් බලමු Java install කර ගන්නේ කොහොමද කියලා. නොතේරෙන තැනක් තියෙනවනම් අහන්න.